قصيدة
اللى يتقتل من الديابة يبقى ربنا خلصه من الاسود


فيه زيطة سمعينها
الزرايب وين
تكون فيها المخاول
من الخدين
التور عشير
مش زين
لما يبقى قدامك
حكم عليه البين
بالنطح فى الغفلة
يبقى مصابك شين
قالوا الجماميس
ماترعى فى عيالها
حرم عليها النوم
و النهم
قدامها
جات الريح طفت
ولعة اللمبة
الجماميس
منفرجة عينها
فى الضلمة
خايفة من العوة
تاجى فى اللمة
تقتل اللى يجرحها
بكلمة
فيه زيطة سمعينها
اُمال ايه حيلكم يارجالة
ان كان ده
ديب
فيه الف ديب
جايين وراه
ع الطريق
مش شبعنين
عيش ديب
و جوع
و كل فى البهايم
و افترس
انت عايش
بس فى يوم
ح تموت
كده زى الحتحوت
اصل الحقيقة
هى غابة
اللى يتقتل
من الديابة
يبقى ربنا
خلصه
من الاسود
محمود العياط
من ديوان على الزراعية يارب اقابل حبيبى