قصيدة
الصوم فى الخير

لو معاك كام ميت جنيه
نام و إلعب يابيه
ماانت الليث
مالك ومال
الناس الشقيانة
قالوا الصبار مر
مرارة التيه و الصحرا
الجعانة
***
***
***
***
ده الجوع دنيانا
ده الدنيا لقمة
متعاصة
بتفرح ليه
و بره الحياة
ماتلاقى لقمة
توجعنا
يبقى الزواد و الصوم
هما محصول دنيانا
***
***
***
***
سيب العابر
ده طريق للخلق
اللى فهمانا
و الشهوات على الدروب
بس و حوش فضحانا
ده فرحة الاذان
فى المغرب
يوسع و يوسعنا
يخلى الشهد
فى الاعمار
يرضعنا
***
***
***
***

طب بتزرع ليه يابيه
يمكن غاوى
المر و العلقم
الرمل قال للديك
عشقان لصوتك
السكر
مالك ومال
الخيط
ده صياح الديك
فى الفجر
للتينة الشبعانة
و الناس بتملى
البيت
و الخلق عطشانة
***
***
***
***

كتب علينا الصوم
و هو فى الخير
طول الدهر
زاد يبقى يشوحنا
بس تعرف الغية
من اللى يصدقنا
بكرة فى الملا
باب الصيام يشفعنا
محمود العياط
من ديوان على الزراعية يارب اقابل حبيبى