قصيدة
ايام فى معناة الكلام


وقت المزاج
كهرمان
مع الخلان
تاخدها يومين
شفافة لا يهمها
المية
و لا يهمها الفتحة
و لا يهمها الضمة
وتقول كمان و كمان
الاحمر صارخ
و الاصفر ساكت
و الباصص شايف
الالوان
جنب المخروط
العجبان
قلشى بلبل كروان
فرحان
بيغنى
و يعزف الغصون
الكمان
يجذب الخفة
و يطحن الندمان
جاتوة اندلق
على الجذع
اللى اتسجر
بالساق
ما هو شجر
لكن ايام
فى معناة الكلام
صمغ متحجر
قلشى حجر
صوان
كنز واندفن
فى التاريخ
اللى تنسى
مع قسوة
الازمان
انا لما اشوف
الفراشة
العجوزة
من قبل التواريخ
بتحكى ميت
قصة
قبل ما يكون
الانسان
مليون سنة
تمر خاطرة
هوا
و يبقى الكلام
و السكات
عجبان
دهب البلطيق
انجرح
من الطين
ليه الف لسان
وقت المزاج
كهرمان
مع الخلان
محمود العياط
من ديوان على الزراعية يارب اقابل حبيبى