قصيدة بس مش كل يوم

قصيدة
بس مش كل يوم


إن كان
الواحد
اول الكلام
واول الارقام
مش معنى
كدة انه الصفر
ملهوش مكان
صدقنى ياصاحبى
الصفر مهم
للواحد
ومكانه اهم
الواحد من غير
صفر
مايبقاش حاجة
طلع الواحد
صفر كبير
بقى ملايين
فيه ناس
لا تعطي الواحد
اكبر من حجمه
الواحد كام
جيحا
لو اديته
ميه ميجا
يبقى كام
الواحد واقف
مضبوط والاثنين
بتبص عليه
يمكن تنادية
وتديله حاجة
الواحد لما يعوز
يهرب من
حسبة يبقى كأنه
اتنين
عموما
الواحد نصف
سدس الاثني عشر
الواحد فى المية
مش حاجة
عشان
تتحسب
فيه ناس
بتقول نرميه
بس مش معنى
كدة انه
مش مهم
الواحد مش عارف
يلاقيها منين
ولا منين
الواحد
جاب اخره
وبقى كده
واقف فلسان
كل يوم الواحد
بيقابل واحد
بس مش كل يوم
الواحد
بيحسب انه
قابل واحد
مش معنى
كده انه الناس
مش مهمين
الواحد قايم
نايم شابك راكب
واكل شارب
طالع نازل
هو واحد
مهما على او نزل
او بصيت
عليه من فوق
او من تحت
الواحد اتغير
غصب عنه
بقى مهم
الواحد ضيع
من وقتى كتير
وانا وقتى
ثمين
بالملايين
اللى اصلها
واحد
الغنى زى الفقير
يبقى الواحد
اصل الملايين
محمود العياط
من ديوان
بس مش كل يوم