قصيدة لا العيش البلدى زى البتاو

قصيدة
لا العيش البلدى زى البتاو


انا معايا كسرة
والكيس اهو فاضى
محساس فى الفرن
يطلع زهوج ومفاضى
يابنت يازينة
يا ابهه
اه ما شافت
زيك عينينا
حاسبى على نفوخى
والعيش طالع وقيدة
و النخالة حواليه
شريدة
يا تخبزى انت
يابلاش
يابلاش
لا البلدى زى البتاو
و لا كل من داس
على الواو
اه يا بوى
انا جاى راكب
ركوبة
متقعمز على الزكيبة
والجحس عارف
دربه
انا ما احب
اعمل سيط
وزيطة
طول النهار
واقف فى الغيط
والفاس فوق كتافى
يابنت يازينة
يا ابهه
والقلب يرتاح
للى يريدة
اه يا بوى
محساس فى الفرن
يزيد حنينه
وفى البصة المحقان
شايط سخينة
اه يا بوى
ياسلام
ياطباخ لوحدك
يا تطبخى انت
يابلاش
يابلاش
الطبيخ بايت
من بعدك
والكيس اهو فاضى
محمود العياط
من ديوان
حصان فى مرماح