90--ديوان زمن الكورونا

مقدمة

فى ديوان
الخبثاء
يطعنون أنفسهم
من الظهر
اذكر بعض
القصائد العزيزة على
مثل قصيدة
تحت جليد أنتاركتيكا
وقصيدة
ملك الشطرنج
وقصيدة
ع لسان
فتاة لبنانية
وفيها نسق جديد
من المسرحيات
النكت
ومنها مسرحية
النكت
سهرة فى مارينا
---------------------------------------------------------------------------------------

1
قصيدة
وقلت ليكى

لملمت طيفك
بين كفوفك
وكان ديبان
حنين
يا اجمل ماكانت
فى الدنيا
طيف من سنين
فاكره لما جات
عينيك فى عيني
وقلت ليكى
فى يوم وليد
لما شافك
قلبى سعيد
خدى اجمل
ماشافت عيونك
حته زيك
حته منك
اشتياق فى المشاعر
عامل تلال
بحق انت اية
من الجمال
و روعة جفونك
من خيال
انت بصدق
حاجه تانية
بنيت سورك
فوق المحال
شوف طيورك
فرحانة بالضى
البعيد
تروح بشوقك
و تاجى مع صدى
نداك
وتستزيد
لملمت طيفك
بين كفوفك
وكان ديبان
حنين
محمود العياط
من ديوان زمن الكورونا
---------------------------------------------------------------------------------------

2
قصيدة
والريح بتهشكو


وسط الغصون
كروان
والريح بتهشكو
كيف الزمان
اللى كان فى صباحه
واخد عياط
طب اعمل ايه
فى غناه
لما يهيم صدحه
لسه يادوح بتطربنا
رغم اللى صابك
و صبنا
والهجر كان دوار
طير حب الغنا
كروان
ما استنى حد
يزيد فى مدحه
طب اعمل ايه
فى غناه
و أليفته فى العش
تعبانة تعبانة
تروح بيت ابوها
و ألف واحد
يجبوها
البنت عايزه
غواصة
و كروان مليح
فى غناه
رجع الغروب
بيسند ليله
ويقول كمان
فى ميله
ما يكفهوش
كتر الاشعار
انا زيك ياكروان
واحد سئم عشه
لا حد سمعه
و لا حد هشه
لكن ما يقدر
يقول موال
طب اعمل ايه
فى غناه
محمود العياط
من ديوان زمن الكورونا
---------------------------------------------------------------------------------------

3
قصيدة
الباب اللي يجيلك منه الريح


ربك رب قلوب
من القلب للقلب رسول
عصفور في اليد
خير من عشرة
على الشجرة
من منين نجيب
عشرة عصافير
ومنين نجيب شجرة
و من منين
نجيب حبيب
المغرب جه
مع النهارو هدى
ماتعرف عايز ايه
طب جاى ليه
و السقا ومعاه القربة
عدى
المية دى لمين
مية بشويه ملاليم
والعطش ساكن
فى الزيار
احنا هنا مبيتين
مااحنا عاشقين
يا قاعدين يكفيكو
شر الجايين
مهما اتجعص الليل
الصبح برضه
طالع
لكن قلبه طيب
مسامح
مع العشق
مية قتيل وجريح
اصل البعاد
كله تجريح
كله فراق
يا مأمنة السهاد والافكار
يا مآمنة للمية فى الغربال
ده العذول
فى عين امه غزال
العشق بعد الستين
كله حنين
لكن البعد اسلم
الباب اللي يجيلك
منه الريح
سده واستريح
محمود العياط
من ديوان زمن الكورونا
--------------------------------------------------------------------------------------

4
قصيدة
يتباس الحسن


كونى قريبة
من قلبى
انا يا فاتنتى
اموت صبا
فى محياك
اصبو اليه
كل حين
مع الصبو اليك
بعض ورود
نامت على الطريق
ثملى مثلما الصبيان
تلهو وتجرى
للنسيان
يتباس الحسن
اذا هل نحواك
وانهمر مطر بكاء
مايعرف رمال
حياته كلها فيضان
شلال
يتراقص سرعان
و يعود كله انبهار
هل الحسن سر
اذاع فى افكارك
فكنت فى الحسن
شئ فوق اى ادراك
انت فاتنتى وتبقين
بحسنك فى وجدانى
نهرا شطآنه
كلها اهات
انا مشتاق والشوق
زورق ابحر
فى المشاعر
يبحث عن بر
عن ميناء
كى يرسو
والمرسى ظمآن
ل جرعة لقاء
لم اكن بحارا
ولم يكن معى
غير بعض المشاعر
غاصت
فى بحر الاشتياق
لكن حبك
لم يعرفنى
غير ايام الفراق
وانا فاتنتى بك هايم
ابحث بين الاشياء
المنسية
عن اشياؤك
و اعود غصنا
شائك
اتمنى رؤية زهورك
انا فى بستانك
لا ابحث الا عنك
فكونى قريبة
من قلبى
محمود العياط
من ديوان زمن الكورونا
--------------------------------------------------------------------------------------

5
قصيدة
هات كراسة

يادلع من غير طبلة
اصله الحلاوة
ببلاش
لما تلقاها
هات كراسة
ومن اول السطر
احنا اللى علمنا
الشعوب الخط
****
العشق مات
فى اخر البلد
وزمان العشاق
خلاص انفض
قلنا عليه العوض
اللى راح راح
راح واستراح
كان عايش
بينا سواح
قوم البنت عدت
والقلب فط
****
البنت عدت قدمنا
شعللت افكارنا
ومالت كيف
اللى ينقال
حالفين الف يمين
مانعمل حساب
اللى حب
كان صاغ سليم
ما يعملش حساب العيا
ولاحساب الرط
****
يا بنات الحب
حرام
مين ده اللى قال
تقل البنات
عايز ميزان
و الوزن من دهب
التقل اللى خلا
اللى ورا الافكار
قاعد قدمنا
صقر على الغصن
و حط
****
سفينة العاشقين
لما تهيم
فى البحر
والموج يطوحها
كيف طرحتها
ترسى فى اى مينا
ياعينى لما تهدى
مايهمشى اى شط
محمود العياط
من ديوان زمن الكورونا

--------------------------------------------------------------------------------------

6
قصيدة
المسا لما يتعصب

لفيت ومانسيت
ادور على الحبيب
هو حياتى
وبرضه شطآن
عذابى
لما تهت
وتاهت مراكب
عذابى
وانا بادور
مشيت مشيت
مشيت الحوارى
و فى يقينى
الحب نهر جارى
ضاعت سنينى
هى فين ملاقى
سنينى
اللى فاتت
كل حاجة
حلوة راحت
عايش غريب
بصيت للسما
يمكن الاقى
نجوم تنسينى
قمرك
لقيت بين الضى
نجوم كتيرة
بشجرك
و بلبل حزين
هموم القلب
كترت
فيه فى الغيوم
بلابل تغنى الالم
ماعارف ليه
بتلحن ندم
الخطا تعبت
والخطاوى هم
كانت الخطاوى
فرحتى
السعادة لايمكن
تدوم
والتضحية
ماتعرف تروم
ياما ضحيت عشانك
كله ضاع
اللى اشتريته
ل حبك
ومهما كان
الجفا
فى الطريق
مايهمهوش اللقا
ومايهمهوش الرفيق
لكن ولا مره
بعنا قلبك
ااسى من خطاى
والبعد جاير
زى النسيم
لما يداعب
الضفاير
ياخد الامل
كان لازم نلتقى
محمود العياط
من ديوان زمن الكورونا
-------------------------------------------------------------------------------------------------------

7
قصيدة
كل يوم ابوس وروده


ماعادش الامان
يمرق بين الايدى
فى السلام
ينتر زى زمان
كله دفء متحنى
بشويه حنان
بس لسه اللهفة
بتتنهد و هى بتعرك
على الطريق
اللى باين غضبان
شو كان كله دما
من قسوة اللقى
انا مو بخاطرى
سوى حبيبى
ايش وصل
مع لمزه الايام
الشمس قالعة
زى الزوارق
تبحث عن بحار
يكون مارق
بين العيون
بين الشروق
ايش يكون
ده قلبى حنون
رمى هناك الظنون
بقى هائم بس مطمن
ليه بضيع الامان
و انا بين يديك
وانت ضيعت
كل شئ
بس انا مابريد غيرك
و انت ماتضيع
لكن بتكون بعيد
و البعاد مع خطاك
بيستزيد
و لما تتقرب
بتحب تكون بعيد
انا شيفاك كده
سعيد
بس انا ح جمعلك
بعض الامان
و ازرعه فى البستان
كل يوم ابوس وروده
وميهمنيش حروق شوكه
محمود العياط
من ديوان زمن الكورونا
--------------------------------------------------------------------------------------

8
قصيدة
لما قلت حقيقى بتوحشينى

لما قلت
حقيقى بتوحشينى
كنت نسيت
انك بتوحشينى
انا لما رسمت
حبك فوق جبينى
كنت بتوحشينى
يمكن انت مش ملاحظة
انك بتوحشينى
ياحياتى
مااستغنى عنك لحظة
وفى بعادك
ومانسيتك لحظة
انك بتوحشينى
قلبى فيه شئ
ليك يميل
مستحيل
ارتاح فى فراقك
مستحيل
وفى فراقك ليلاتى
يفكر بقربك
فؤادى
اللقى آتى
وأنا جاى فى معادى
ياعمر يلالى
دايما قبالى
يفكر فى الليالى
الطويلة
و يرجع فجر
يصحى الجديلة
و يرسم ضحكة
معاكى حنينة
محمود العياط
من ديوان زمن الكورونا
----------------------------------------------------------------------

9
قصيدة
سهراية ع الطريق

الليل غوط
حدانا
والصُل قاعد
قصادى
دعاء الكروان
نادانا
على الشاشة
السهرة طبالى
الفيلم جه
فى بالى
والضى خافت نعسان
والفراش هايج
و هايم
بس المهندس ده
مايساوى فضلات
بهايم
و فاتن عم تصرخ
هنادى
محمود العياط
من ديوان زمن الكورونا
---------------------------------------------------------------------------------

10
قصيدة
الواطى عايز ايه

لما الذل يعدى
يتذكر فضايله
لما تلعن الواطى
الواطى اللى معاك
يلعنك
يقولك طب عايز ايه
يا بارد
ده الواطى
مبادئه مشتقة
من العار
ويحب يثبتها
ويجعلها شمس
اقصد ضلمة
فوق الرووس
ده الواطى
لو شاف فعل
زي فعله يلعنه
ده الواطى طول
عمره بيطاطى
مناطى
ده الواطى
زى مابيبان
من كلامه
تشوف بعينك
مأكولاته
عجب مش عايز
يخس
يا خبث من سمع
كلامه و داق
من حكمته
و اتمردخ من خبرته
و لو كبر الواطى
يبقى سيد قوم
يأجوج
جنكيزخان بخيبته
و لو مشى فى البلاد
يحلل السرقة
و يبيح المعيرة
ده الواطى
مبعوث المنكر
محمود العياط
من ديوان زمن الكورونا
-----------------------------------------------------------------------------------

11
قصيدة
قلشى صيادك

الحب صادك و اصطادك
قلشى صيادك
و جه ل صيدك
أومال عامل كيف
شبكة بإيدك
كل الحب ده
فى زمزمية
تروى كل ظمآن
شويه حنية
اللى يريدك بريدك
شطآن العشاق
مليانه مية
تخلى الدنيا جنة
طب ليه بترضى
تسيبك
من قال
الصيف كله برد
و الشتا كله دفا
قلشى امتى
نزيد فى الغطا
نستنى لما تحكى
شديدك
ايه لزمة الحب
اذا كان كله
شقا
قالوا الوجود
والحب متصورين
بصورة
يا عينى على العشاق
الدنيا محزمينها
منصورة
أومال ايه
لزمة اللقمة الغرورة
لما تغيطك
البنات ليهم الف
حيلة
الواحدة فيهم
ذليلة
هما حلوين
واللى يحبهم
احلى
ايه لزمه اللزمه
من عشاق
ده العشق
ينسنا اللى كانا
وكنا
والغير الشر
يشوطة
محمود العياط
من ديوان زمن الكورونا
-----------------------------------------------------------------------------------

12
قصيدة
صلح واعر

العركة كانت شباط مبربط
لجل ماتسير السفينة
جايبلك كسوة ل توب منقط
يصالح زعل النفس الحزينة
ده جديد زاهى يا بوى ملعلط
جاى توى من البترينة
محمود العياط
من ديوان زمن الكورونا
-----------------------------------------------------------------------------------

13
قصيدة
ده مصر ام الدنيا


مصر يا لؤلؤة
متصورة
بين بحرين
الاحمر حَمار
خدودك واليدين
والابيض بياضك
يامنورة بين
شطين
ده حبك فى قلوب
عيالك
حاجة تانية
اندهى للمتغرب
يجيللك فى ثانية
يا مصر يا ام الدنيا
قطارك بين المحطات
مزحوم
المجرى و القشاش
و على القضبان
طول عمره
يدوم
و فى صهيله
يهوم
يسلم على الاعشاش
اللى بين الزروع
و المواشى تتعاش
ترتع فى ارض
النور و الانوار
اللى صورها
اشعار
ده مصر ام الدنيا
شواطئك جمالها
يخبل الالباب
و هى الباب
لديارك الخمرية
قلشى بتبات
فيها قمرية
و على الشط
رملة متحنية
سطرها ملكوم
و مكتوب قلشى
بالمنقاش
ينداس بس الشرف
فيه مداس
والبط فى البحر
يعوم
تضرب الموج
فيمسها بالانتعاش
تخاف من القاع
اللى مليان
احراش
يمكن تتوه
وسط الطيور
و تنزاح لشط
الظنون
لا فيه ناس
و لا يحزنون
و الموج بين الجر
والمد القدوم
مابين انكماش
ومابين الانتعاش
شىء يهدى اللوم
فى عيون بدور
مابين حصرالأبراش
ومتعة الافتراش
ليضيع الشتات
والهموم
و يرجع مغسول
فى غضون
تحت الشماس
القماش
ده مصر ام الدنيا
يكفيها الاهرامات
و يكفيها طريق
الكباش
محمود العياط
من ديوان زمن الكورونا
-----------------------------------------------------------------------------------

14
قصيدة
بني قريظة اللي اختشوا ماتوا


بني قريظة
اللي اختشوا ماتوا
والمليح مايقيد
فى الوليعة
يامرار من كان له
عهد وفاتوا
زى اللى سكن
الخلا
وترك البساتين
البديعة
ريحانة بانت
من بنى عمرو
ورضت بالحجاب
واسلمت مع
من اسلموا
و كفت عن القطيعة
يابني قريظة الخبص
دك الحصون
المنيعة
للفرس سهمان
و كمان جر القطيع
الغلمان والرجال
والنسوان الاسيرة
و اتفضحوا
فى أخبار المذيعة
خلى الكل سبايا
فى الضليعة
محمود العياط
من ديوان زمن الكورونا
------------------------------------------------------------------------------------

15
قصيدة
و اخونا قدامنا ينام

شفتك كده
من غير معاد
استعاد
من جريد النخل
كل الرواية
كان البطل
بيحب البطلة
و كانت الشاشة
كبيرة
وفى الغربة
والشقا
صوغ احلامها
مسرحية من شوفه
و من شوفنا
خد كل شوفى
لما استنظرناه
و دقيت دفوفى
كان الامان
نايم على السطوح
فى ليل مابينام
صبوح
يبص الفجر
بثيابه البيضة
يخليها نهار
اصل من الصراخ
راح الظلام
هو النهر ده
من ده الغمام
امتى الشمس
تنزل مطرحها
لما يقلع العمام
و اخونا قدامنا
ينام
و يتجعص
على الحصيرة
مين اللى قفل
الباب
و جاب سيرة
اكون مرسالك
فى الريح
حمام زاجل
ياجى بالرسالة
و يستريح
لما يقرأ ويطول
و امك تبكى
و مراتك ماتتحول
و المطرح يضج
قلشى وليمة
اصل الرواية
بدت من زمان
من ايام
الجدة حليمة
بس ايه اقولك
محمود العياط
من ديوان زمن الكورونا
------------------------------------------------------------------------------------

16
قصيدة
رمضان جه بفوانيسه

رمضان جه بفوانيسه
افرحوا ياولاد يللا
و هيصوا
شفنا هلاله
و فرحنا
فى كل احواله
رمضان جه
من تانى
والمسحراتى صحا
من كانوا ناموا
رمضان جه
كله هايل
تتجلى فيه احلى
فضايل
رمضان جه
وبلغتنا ايامه
رمضان جه
بتلاوة
قرآنه
صلاة الترويح
تمحو كباير
من ذنوب عباد
كلها غواير
رمضان جه
اتقبل يارب
منا صيامه
وساعدنا دوما ل قيامه
واحفظنا
من شر بطلانه
شهر الخيرات
يا جماله
فى طاعه ربنا
و جلاله
الفطور سفرة
من الرحمن
ربك هو العاطى
الحنان
ياصايمين
فى جنة رضوان
وجزاء الاحسان
الا الاحسان
ادوى يامدفع
رمضان
محمود العياط
من ديوان زمن الكورونا
------------------------------------------------------------------------------------
17
قصيدة
زمن الكورونا


الشتا
جاى راكب
حصان
يتمخطر عجبان
بس السنة دى
بالفيروسات
مليان
ناس عذاب
اكلوا البسس والكلاب
وسابوا الجديان
بالصلصة اكلوا
خفافيش
واتنمروا ع الخرفان
قلشى لجل حظنا
الكلام ده ماجاش
ع مفيش
جاب الكورونا
شويه خفافيش
متشعلقين
فى الكهوف
والخربان
ديسمبر زاد
فى العيا
ويناير
هو نفسه عيان
محتاج دوا
وفبراير جاى
يتعكز
خيبان
اما مارس جاى
للعالم بالوبا
خربان
موت من الناس
اشكال وألوان
و زاد ف الطغيان
فى ابريل
جانا النسيم
فيه الرياح
الصفرا
كلها ردى
وفيه نسيم طيب
بس بيقتل
فى الحشا
شم النسيم
السنة دى
جاى عليل
لا فيه شفى
ولا فيه دليل
معاه سكينة
وكام قتيل
محمود العياط
من ديوان زمن الكورونا
-----------------------------------------------------------------------------------

18
قصيدة
قعمز مطرحك

الصَبى سِمح
لما تلاغيه
ولو صاحبك فسد
بالهيروغليفية
تهديه
مش معيره
لما تعقله
و تقوله
ايش تكون
قدام الخلايق
وانت مش
لايق
تكون بنى آدم
كون فالح
و ارعى هدمتك
اتعلم ده التعليم
مفيد
قعمز مطرحك
يا تجلح بعيد
عشان خاطر
ياجى السعد
متغربشى
فى اليوم السعيد
ياضنايا
خليك مطاوع
ممدوح
مش منقوط
كوباية مليانه
توب مقبول
بلاش عفاشة دى
علشان العفاشة
تبيد
لو بيت
مش من قزاز
وكان من حديد
ياجدع لازم
الاخلاق
وانا شايف
احمر من خلقتك
مفيش
قلشى عيش حاف
ليه بس
عايز تعيش
ابقى ياخى بلسم
غليض
انت كده
خراب وشرق
بين الزمان
والزحام عاث
بيفرق
زى اللى بيجلح
وسط القلل
القناوى
يا تكون كويس
يا تتملغ
فى حته تانى
المليح مليح
و لو فى القنايا
والمقطاف مقطاف
ولو زينته بالخِرق
ماتعملهاش اونطه
ايه ده زود
ده الزاد رضا
هبشة من هبشتك
المقطاف يفضى
و خليك مليان
احساس
محمود العياط
من ديوان زمن الكورونا
-----------------------------------------------------------------------------------

19
قصيدة
لجل خاطرك ياحتشبسوت

ايه الحب
اللى كان يرفرف
بين المصريين
حواليكى
ماانت الرعية
و انت الاميرة
وانت الملكة
وانت الفرعونة
و انت التاج المرصع
بتاقوته الامال
يبكى بيديك السراب
ويتوة الضباب
يا ربيبة الجمال
الخلاب
هو تاج فوق مفرقيكى
ماانت البنت
وانت الاخت
وانت الام
بس الزعامة تنحنى
بين يديكى
وعلى عرشك
تاهت طيور
تهفهف كيف السنا
والنور
وترجع يوم
فى حكم البلاد
مأثور
ساعة اختفاؤك
الكل يبحث عنك
ضعت مابين الحشود
ضاع النهار
وضيه المسرور
ضعت مابين الحراس
و القلوب تهفو اليكى
قالوا هربت
مع الفلاح الفصيح
لكن بسيط
وتزوجتى فى الكوخ
اللى غلب ممالك
و غلب قصور
لسه بيبحثوا عنك
و بيسألوا التاريخ
تلميذك
المغرور
قالوا اسرت
وبيسألوا معبدك
المصون
المنقوش بالبهاء
المنثور
قالوا قتلت
وبيسألوا ليه
الحقيقة بتتخرس
عند حافات الكلام
يقف اللسان
اسير فى يد السكات
وبيسألوه عن سرك
المضمور
يمكن البهو
يجاوب السؤال
يمكن الهمس
يبان
فى خدرك المستور
لك الامان ياحتشبسوت
فى كل حين
وعلى مر العصور
محمود العياط
من ديوان زمن الكورونا
--------------------------------------------------------------------------

20
قصيدة
يانهار يانهار


وجة الحبيب
شمس مابتعرف
غروب
يانهار يانهار
يانهار يانهار
مهما كان الفراق
مرار برضه
المر صبار
يانهار يانهار
يانهار يانهار
الدار دوار
من غير احباب
لاتشفع حيطان
و لا بيبان
اشباح تهد
الكيان
يانهار يانهار
يانهار يانهار
ياحبيبى تعالى
ان كنت مسامح
وتعالى ان كنت
مش مسامح
تعالى برضه
انا مسامح
يانهار يانهار
يانهار يانهار
انا رضيت بالعذاب
و العذاب
مع الاحباب
عتاب
يابخته اللى كان
مع الاحباب
يانهار
صحيان يانهار
يانهار
ياابو الفوقان
يانهار
بكره يبان
كله ديدبان
وونسى النوم
وقعاده
احنا ضيعنا نهارنا
فى ياليل يا ليل
ياليل ياليل
ياليل ياليل
احنا عاشقين
حنعمل المستحيل
يانهار يانهار
يانهار يانهار
يانهار يانهار
يانهار يانهار
محمود العياط
من ديوان زمن الكورونا
----------------------------------------------------------------------------
فهرس ديوان زمن الكورونا

1
قصيدة
وقلت ليكى

2
قصيدة
والريح بتهشكو

3
قصيدة
الباب اللي يجيلك منه الريح

4
قصيدة
يتباس الحسن

5
قصيدة
هات كراسة

6
قصيدة
المسا لما يتعصب

7
قصيدة
كل يوم ابوس وروده

8
قصيدة
لما قلت حقيقى بتوحشينى

9
قصيدة
سهراية ع الطريق

10
قصيدة
الواطى عايز ايه

11
قصيدة
قلشى صيادك

12
قصيدة
صلح واعر

13
قصيدة
ده مصر ام الدنيا


14
قصيدة
بني قريظة اللي اختشوا ماتوا


15
قصيدة
و اخونا قدامنا ينام

16
قصيدة
رمضان جه بفوانيسه

17
قصيدة
زمن الكورونا

18
قصيدة
قعمز مطرحك

19
قصيدة
لجل خاطرك ياحتشبسوت

20
قصيدة
يانهار يانهار


-----------------------------------------------------------------------------------